Ҳафта давомида қуруқ об-ҳаво бўлиши кутилмоқда

Бу ҳафта Ўзбекистон бўйлаб қуруқ об-ҳаво кузатилиши, туман тушиши кутилмоқда. Ҳарорат кечалари 0…–5, шимолда –6…–8 даражагача пасаяди, кундуз кунлари +6…+12 даража атрофида бўлади.

Фото: Kun.uz

Янги йилнинг биринчи иш ҳафтасида Ўзбекистоннинг барча ҳудудлари бўйича қуруқ об-ҳаво бўлиши кутилмоқда, дея хабар берди Ўзгидромет.

Ҳаво ҳарорати кечалари 0…–5 даража атрофида, шимолда –6…–8 даражагача, кундуз кунлари 5–8 январда +6…+9 даража, 9 январда +9…+12 даража бўлади.

Баъзи жойларга туман тушади. Шамол шарқдан бироздан ўртача тезликкача эсади.

Тошкент шаҳрида ёғингарчилик кутилмайди. Кечаси ва эрталаб туман тушиши мумкин.

Шамол шарқдан 3–8 метр/сония тезликда эсади. Ҳарорат асосан кечалари 0…–2 даража, кундуз кунлари 5–8 январда +7…+9 даража, 9 январда +10…+12 даража бўлади.

Тайёрлаган: Азиз Қаршиев

#Ўзгидромет