Маск Tesla роботлари сотувини йўлга қўйилишини маълум қилди

Илон Маск 2024 йилда инвесторларга Optimus роботлари нархи 10-20 минг доллар бўлишини айтганди.

Фото: Sjoerd van der Wal/Getty Images

Tesla раҳбари Илон Маск Давосдаги бутунжаҳон иқтисодий форумида унинг компанияси 2027 йилда Optimus роботлари сотуви бошланишини маълум қилди. Бу ҳақда Engadget нашри хабар берди.

Маскнинг сўзларига кўра, 2027 йил охирига бориб одамсимон роботлар сотуви бошланади. Шу билан бирга, миллиардер роботлар нархи ҳақида маълумот бермади, лекин харидорлар ақлли ёрдамчига эга бўлишларини таъкидлади.

«Умуман олганда, у айтганингизни бажаради», — деди Маск.

Илон Маск 2024 йилда инвесторларга Optimus роботлари нархи 10-20 минг доллар бўлишини айтганди.