Эрон ЕИ мамлакатлари армияларини "террорчи гуруҳлар" рўйхатига киритди

Эрон ҳукумати Евроиттифоқ мамлакатлари армияларини "террорчи гуруҳлар" рўйхатига киритди, деб хабар берди Tasnim ахборот агентлиги.

Эрон парламенти раиси Муҳаммад Багер Ғолибафнинг таъкидлашича, бу қарор Ислом инқилоби қўриқчилари корпуси ЕИ томонидан террорчи ташкилотлар рўйхатига киритилганига жавобан қабул қилинди.

Агентликнинг хабарига кўра, Эрон парламенти аъзолари Европа мамлакатлари элчихоналарининг ҳарбий атташеларини мамлакатдан чиқариб юбориш масаласини кўриб чиқмоқда. 

"Европа мамлакатлари армиялари террорчи ташкилотлар деб расман эълон қилинди. Шу сабабли бу мамлакатларнинг элчихоналаридаги ҳарбий атташелар Эрондан тезроқ чиқариб юборилиши керак", - деди Эрон парламенти президиуми аъзоси Алиризо Салимий.

Ўтган ҳафтада Евроиттифоқ Эрон Ислом инқилоби қўриқчилари корпусини террорчи ташкилотлар рўйхатига киритганди. 

Эрон ташқи ишлар вазири буни "жиддий стратегик хато" деб атади.