Тошкент шаҳар солиқ бошқармасига раҳбар тайинланди

Жаҳонгир Мирпўлатов Тошкент шаҳар солиқ бошқармаси бошлиғи вазифасини бажарувчиси этиб тайинланди.

Фото: Солиқ қўмитаси

Мирпўлатов Жахонгир Музаппарович Солиқ қўмитаси раисининг тегишли буйруғи билан Тошкент шаҳар солиқ бошқармаси бошлиғи вазифасини бажарувчиси этиб тайинланди.

Тайинловга қадар у Солиқ қўмитаси Юридик шахсларга хизмат кўрсатиш департаменти директори лавозимида фаолият юритган.

Президент Шавкат Мирзиёев 27 январда бўлиб ўтган йиғилишда Тошкент шаҳри солиқ идораларини танқид қилиб, шаҳар солиқ бошқармаси бошлиғи Юнусжон Насимжоновни ишдан олиш, фаолиятини ўрганиб, қонун устуворлигини таъминлаш бўйича топшириқ берган эди.