Бахтиёр Саидов Афғонистон ва Покистон ташқи ишлар вазирлари билан мулоқот ўтказди

Вазирлар мулоқотлар давомида Афғонистон – Покистон чегарасидаги вазиятни муҳокама қилдилар.

Фото: Telegram / bakhtiyor_saidov / Tolonews / Anadolu

Ўзбекистон ташқи ишлар вазири Бахтиёр Саидов Афғонистон ташқи ишлар вазири Мавлавий Амир Хон Муттақий билан телефон орқали мулоқот қилди.

Қайд этилишича, суҳбат давомида Афғонистон – Покистон чегарасидаги мавжуд вазият юзасидан фикр алмашдик ҳамда вазминликни сақлаш ва вазиятнинг янада кескинлашувига йўл қўймаслик муҳимлиги таъкидланди.

“Барқарорликни таъминлаш ва мавжуд хавф-хатарларни бартараф этишда мулоқот асосий восита бўлиб қолиши зарурлигини тасдиқладик”, деб маълум қилди Саидов ўз телеграм-каналида.

Саидов шунингдек, Покистон ташқи ишлар вазири Муҳаммад Исҳоқ Дар билан телефон орқали ўтказган мулоқотида Покистон ва Афғонистон ўртасидаги сўнгги вазият юзасидан фикр алмашди.

“Мавжуд қарама-қаршиликни юмшатиш ва барқарорликни таъминлаш мақсадида ўзаро ишонч ҳамда изчил мулоқотнинг аҳамияти зарурлигини алоҳида қайд этдик”, деди Ўзбекистон ташқи ишлар вазири.

26 феврал куни Афғонистон ва Покистон бир-бирига зарбалар берган, Ўзбекистон уларни ўт очишни дарҳол тўхтатишга чақирганди.