Эрон Украинага зарба бериш билан таҳдид қилди

Аввалроқ Украина президенти Володимир Зеленский Эрон дронларини уриб тушириш учун украиналик операторларни Яқин Шарққа юборишни таклиф қилганди.

Фото: X/Ebrahimazizi33

Исроилнинг Теҳронга қарши урушида ёрдам бергани сабабли Украинанинг бутун ҳудуди Эрон учун қонуний нишон ҳисобланади. Эрон парламентининг миллий хавфсизлик бўйича комиссияси раиси Иброҳим Азизий ана шундай баёнот берди.

«Инқирозга учраган Украина Исроил режимига дронлар билан ёрдам кўрсатиш орқали амалда урушга кирди ва БМТ Уставининг 51-моддасига мувофиқ, бутун ҳудудини Исроил учун қонуний нишонга айлантирди», — деб ёзди Азизий Х ижтимоий тармоғида.

Киев ва Тел-Авивнинг учувчисиз учадиган қурилмалар соҳасида ҳамкорлиги бўйича расмий маълумот йўқ. Шу билан бирга, Украина президенти Володимир Зеленский Эрон дронларини уриб тушириш учун украиналик операторларни Яқин Шарққа юборишни таклиф қилган.

Ўз навбатида, АҚШ президенти Доналд Трамп Америка Киев ёрдамига муҳтож эмаслигини айтди.

Унинг сўзларига кўра, АҚШ ҳарбийлари дронлар ҳақида ҳаммадан кўпроқ билишади ва бу соҳада энг яхши технологияларга эга.

Тайёрлаган Дилшодбек Асқаров

#Эрон #Украина #Исроил

Эрон ядро дастури бўйича музокаралар расман тугамай туриб, 2026 йил 28 феврал куни АҚШ ва Исроил Эрон ҳудудига зарбалар бера бошлади. Президент Доналд Трамп ҳужумлардан мақсад Теҳрондаги режимни ағдариш эканини эълон қилди.