Бойсунда жарликка тушиб кетган аёл қутқарилди

Сурхондарё вилояти Бойсун туманида ФВВ қутқарувчилари 25-30 метр пастлика сирпаниб тушиб кетган фуқаронинг ҳаётини сақлаб қолишди.

Фото: ФВВ

21 март куни соат 10:00 да Сурхондарё вилояти ФВБга Бойсун туманида яшовчи фуқаро уйидан 20 метр нарида жойлашган адирликка томоша қилиш мақсадида чиқиб, эҳтиётсизлиги оқибатида тахминан 25-30 метр пастликка сирпаниб тушиб кетганлиги тўғрисида хабар келиб тушган.

Хабарга асосан, ФВВ қутқарувчилари айтилган манзилга етиб бориб, фуқарони жарликдан чиқариб олган ва унинг ҳаётини сақлаб қолишган.

Шундан сўнг фуқаро тиббиёт ходимларига топширилган.

Хабар қилинишича, ҳозирда фуқаронинг аҳволи яхши.