Ҳафта охирида ёмғир ёғиши кутилмоқда

9 май куни Ўзбекистоннинг айрим вилоятларида, 10 майда эса аксарият ҳудудларида ёмғир ёғади ва момақалдироқ кузатилади. Ҳаво ҳарорати шанбада +28…+33 даража атрофида бўлади, якшанбадан +20…+25 даражагача пасаяди. Жойларда чанг-тўзонлар кузатилиши ҳам мумкин.

Фото: Kun.uz

Жума кундузи Ўзбекистон ҳудуди бўйича ҳаво ҳарорати +34…+37 даража атрофида, жанубда +39 даражагача бўлган қуруқ ва жуда илиқ об-ҳаво бўлиши кутилмоқда. Республика шимоли-ғарбий ҳудудларида бироз ҳаво бироз салқинроқ бўлиб, ҳарорат +28…+33 даража атрофида бўлади.

9 май куни мамлакатнинг катта қисмида ёғингарчиликсиз об-ҳаво сақланиб туради. Фақат Бухоро, Навоий, Самарқанд, Жиззах вилоятларида айрим жойларда куннинг иккинчи ярмида қисқа муддатли ёмғир ёғиши, момақалдироқ бўлиши мумкин. Кундузги ҳарорат барча жойларда +28…+33 даражагача пасаяди.

10 майда Ўзбекистон ҳудудининг катта қисмида ёмғир ёғади, баъзи жойларда момақалдироқ билан кузатилади. Айрим жойларда кучли ёмғир ёғиши мумкин. Нисбатан салқин об-ҳаво бўлиши кутилмоқда, кундузи ҳаво ҳарорати +20…+25 даражадан юқори бўлмайди.

11 майда Тошкент вилояти, Фарғона водийси вилоятларида, кечаси ва эрталаб Самарқанд, Жиззах, Сирдарё вилоятларида баъзи жойларида қисқа муддатли ёмғир ёғади, момақалдироқ бўлиши мумкин. Қолган ҳудудларда ёғингарчилик кутилмайди. Ҳаво ҳарорати 2–3 даражага кўтарилади.

Шанба куни шимолда ва чўл ҳудудларда, якшанба-душанба кунлари республика бўйича баъзи жойларда шамол тезлиги 15–20 метр/сониягача, 9–10 майда айрим жойларда баъзида 23–25 метр/сониягача кучайиши мумкин. Чанг-тўзонлар кузатилиши мумкин.

Республиканинг тоғолди ва тоғли ҳудудларида вақти-вақти билан ёмғир ёғади, 10–11 майда баъзи жойларда кучли бўлади, момақалдироқ кузатилади. Сел-сув тошқин ҳодисалари юзага келиши мумкин.

Тошкент шаҳрида 8–9 май кунлари ёғингарчилик кутилмайди. Ҳарорат 8 майда +34…+36 даража, 9 майда +30…+32 даража бўлади. 10 майда вақти-вақти билан ёмғир ёғади, момақалдироқ бўлиши мумкин. Ҳарорат кундузи +20…+22 даража бўлади.

11 майда қисқа муддатли ёмғир ёғади, момақалдироқ бўлиши мумкин. Ҳарорат +23…+25 даража бўлади. Шарқий шамол йўналишини ўзгартириб, ғарбдан 3–8 метр/сония тезликда эсади, 10–12 метр/сониягача кучайиши, 9 майда шаҳарнинг айрим жойларида чанг-тўзонлар билан кузатилиши мумкин.