Қўшимча функционаллар
-
Тунги кўриниш
АҚШда Трампнинг олтин телефонларини етказиб бериш бошланади
Шу ҳафтадан бошлаб, Т1 Phone’га олдиндан буюртма берган мижозларга телефонлар жўнатилади. Унинг нархи 499 доллар қилиб белгиланган эди.
Trump Mobile компанияси шу ҳафтада АҚШ президенти Доналд Трампнинг олтин телефонларини мижозларга етказишни бошлайди. Бу ҳақда компания USA Today газетасига маълум қилди.
Бош директор Пет О'Брайеннинг сўзларига кўра, шу ҳафтадан бошлаб, Т1 Phone’га олдиндан буюртма берган мижозларга телефонлар жўнатилади. Унинг нархи 499 доллар қилиб белгиланган эди.
Президентнинг ўғиллари бошқарадиган Trump Organization бир неча бор олтин смартфон чиқарилишини эълон қилган. Дастлаб, қурилма ўтган йилнинг август ойида чиқиши режалаштирилган эди, бироқ муддатлар бир неча бор кечиктирилди.
Trump Mobile компанияси бу смартфонни «тўлиқ Қўшма Штатларда ишлаб чиқилган» деб реклама қилди. Бироқ кейинчалик тавсифни ўзгартирди ва бу жумлаларни олиб ташлади. Матбуотда тарқалган маълумотларга кўра, унинг таркибий қисмлари Хитойники бўлган.
Шунингдек, компания Т1 Mobile уяли алоқа хизматини ишга туширганини эълон қилди ва чексиз қўнғироқлар, етакчи операторларнинг тезкор 5G тармоқларини қўллаб-қувватлаш ва дунёнинг 100 дан ортиқ мамлакатларига бепул халқаро қўнғироқларни ваъда берди.
