Қозоғистонда таниқли блогер аёл пластик операциядан сўнг вафот этди

Қозоғистоннинг Алмати шаҳрида машҳур блогер ва тадбиркор Сауле Базархан (Сауле Ермаханова) вафот этди. У 53 ёшда эди.

Қариндошларининг сўзларига кўра, фожиа 2026 йил 15 май куни Smart Beauty Clinic хусусий клиникасида содир бўлган. Аёл маҳаллий анестезия остида режали липосаксия операциясига ётқизилган. Шифокорларнинг сўзларига кўра, муолажа тахминан 1-1,5 соат давом этиши керак эди.

Қизи Сауленинг айтишича, операция бошланганидан кейин бир неча соат давомида оиласи унинг аҳволи ҳақида аниқ маълумот ололмаган. Ўлим ҳақида фақат кечқурун хабар берилган. Яқинларининг таъкидлашича, тез ёрдам кечикиб келган ва аёл тахминан уч соат давомида қаровсиз қолган.

Алмати полиция департаменти ўлим фактини тасдиқлади ва ушбу ҳодиса бўйича жиноий иш қўзғатди. Судга қадар текширув ўтказилмоқда, клиникада ҳам текширув бошланган.

Сауле Базархан муваффақиятли тадбиркор ва минглаб аудиторияга эга блогер сифатида танилган эди. Унинг ўлими Қозоғистонда шов-шувга сабаб бўлди.

Smart Beauty Clinic ўлим фактини тасдиқлади, бироқ шифокор сирига асосланиб, батафсил изоҳ беришдан бош тортди.