Хитойнинг LineShine суперкомпютери дунёдаги энг кучли деб топилди

Хитойнинг LineShine компанияси дунёнинг энг кучли суперкомпютерлари Топ-500 рейтингида биринчи ўринни эгаллади.

Фото: Getty Imagеs

LineShine High Performance Linpack (HPL) бенчмарк бўйича биринчи ўринни эгаллади ва иккинчи ўриндаги Американинг El Capitan компютеридан 22 фоиз тезроқ (2.198 эксафлопс) натижани қайд этди.

Учинчи ва тўртинчи ўринларни мос равишда Frontier ва Aurora компютерлари эгаллади, Германиянинг JUPITER Booster машинаси кучли бешликни якунлади.

Апрель ойида тақдим этилган LineShine Shenzhen булутли ҳисоблаш маркази (Shenzhen Cloud Computing Center) томонидан ишлаб чиқилган ва Shenzhen Миллий суперкомпютер марказида (NSCS) жойлашган. У Хитойнинг LX2 процессорлари ва Kylin операцион тизимида ишлайди, тахминан 42,2 МВт электр энергиясини истеъмол қилади ва унинг бош ишлаб чиқарувчиси Лу Юйтуннинг сўзларига кўра, ҳам илмий мақсадларда, ҳам сунъий интеллект вазифалари учун ишлатилиши мумкин.

LineShine муваффақияти «хорижий технологик чекловларга қарамай, Хитой суперкомпютер саноати учун мустақил дастурий-аппарат экотизимини шакллантиришда тарихий қадамдир», деб The Wall Street Journal NSCS баёнотидан иқтибос келтирди.

Хитой суперкомпютери 2017 йилдан бери биринчи марта рейтингни бошқарди.