Қўшимча функционаллар
-
Тунги кўриниш
Сергелида кўп қаватли тураржой қурилиши тўхтатилди
Объектнинг бир нечта қисмларида бажарилган темир-бетон ўзаклар сифатсиз ҳамда лойиҳа талабларига мувофиқ бўлмаган ҳолда битказилгани маълум бўлди.
Тошкент шаҳри ҳудудидаги қурилиш объектларида ўтказилган назорат тадбирлари давомида Сергели туманида қурилаётган кўп қаватли тураржой объектида қурилиш материалларини сақлаш қоидалари бузилганлиги, қурилиш майдони ва унинг атрофи тез ёнувчан чиқиндилардан тозаланмаганлиги аниқланди.
Бундан ташқари, объектнинг бир нечта қисмларида бажарилган темир-бетон ўзаклар сифатсиз ҳамда лойиҳа талабларига мувофиқ бўлмаган ҳолда битказилгани маълум бўлди ва объектдаги барча турдаги қурилиш-монтаж ишлари тўхтатилди.
Масъулларга қоидабузарликларни бартараф этиш бўйича бажарилиши мажбурий бўлган ёзма кўрсатмалар берилди. Лойиҳа талабларига мувофиқ бўлмаган ишларни буздириш бошланди.
Мавзуга оид
19:01
Уй қурилишига улуш киритган шахсларнинг маблағларини ҳимоя қилиш бўйича қонун лойиҳаси тайёрланди
08:40 / 10.07.2026
1000 метрли Jeddah Tower: бош муҳандис энг қийин вазифани очиқлади
23:09 / 04.07.2026
Зарафшон дарёси “чегарадан чиқди”: темирйўл лойиҳасида бу ҳисобга олинмаганми?
17:57 / 04.07.2026