Самарқандда дарёда чўкаётган фуқаро қутқариб қолинди

17 июл куни соат 17:53 да Самарқанд вилояти Фавқулодда вазиятлар бошқармасига Самарқанд туманидаги Қорадарё дарёсида фуқаро чўкаётгани ҳақида хабар келиб тушган.

Маълум бўлишича, чўмилиш вақтида бирдан унинг соғлиғи ёмонлашиб, мустақил равишда ҳаракат қила олмай қолган ва шериклари дарҳол ФВБга хабар беришган.

Қутқарувчилар воқеа жойига тезкорлик билан етиб бориб, фуқарони махсус нарвон ёрдамида дарё қирғоғидан хавфсиз ҳудудга олиб чиқишган ҳамда у тиббиёт ходимларига топширилган.

Хабарда айтилишича, ҳозирда фуқаронинг аҳволи яхши.