Pentagon: Rossiya NATOni beqarorlashtirishni xohlamoqda

Rossiya NATO birligiga putur yetkazishni xohlamoqda, deya bayonot bergan AQSh Qurolli kuchlari shtablari rahbarlari qo‘mitasining boshlig‘i general Jozef Danford. Bu haqda, RIA «Novosti» agentligi xabar qilmoqda.

Pentagon matbuot xizmati ma'lumotlariga ko‘ra, Danford Milliy mudofaa Universiteti talabalari bilan uchrashuvda «Rossiyaning Qrimdagi faoliyati, shuningdek, Gruziya va Moldaviya hukumatlariga nisbatan tahdidi va Suriyaga berayotgan yordami yuzasidan xavotirini bildirgan».

«Rossiya u (NATO)ni zaiflashtirmoqchi», — degan Danford, Rossiya, XXR, Eron, KXDR va xalqaro ekstremizm AQSh uchun eng asosiy xavf-xatar manbalari ekanini ta'kidlagan.