Пентагон: Россия НАТОни беқарорлаштиришни хоҳламоқда

Россия НАТО бирлигига путур етказишни хоҳламоқда, дея баёнот берган АҚШ Қуролли кучлари штаблари раҳбарлари қўмитасининг бошлиғи генерал Жозеф Данфорд. Бу ҳақда, РИА «Новости» агентлиги хабар қилмоқда.

Пентагон матбуот хизмати маълумотларига кўра, Данфорд Миллий мудофаа Университети талабалари билан учрашувда «Россиянинг Қримдаги фаолияти, шунингдек, Грузия ва Молдавия ҳукуматларига нисбатан таҳдиди ва Сурияга бераётган ёрдами юзасидан хавотирини билдирган».

«Россия у (НАТО)ни заифлаштирмоқчи», — деган Данфорд, Россия, ХХР, Эрон, КХДР ва халқаро экстремизм АҚШ учун энг асосий хавф-хатар манбалари эканини таъкидлаган.