WhatsApp ilovasi Facebook foydalanuvchilarining telefon raqamlarini topshiradi

WhatsApp mesenjyeri Facebook ijtimoiy tarmog‘i orqali foydalanuvchilarning shaxsiy telefon raqamlarini topshirishni rejalashtirayapti, deb yozmoqda Telegraph nashri.

Ilovaning maxfiylik borasidagi yangi qoidalariga ko‘ra, WhatsApp va Facebook tarmoqlaridagi sahifalarni birinchi ulanishdayoq birlashtirish mumkin bo‘ladi. Shu tariqa, ijtimoiy tarmoq, foydalanuvchilarning aloqalar ro‘yxatidagi raqam egalarini do‘stlar ro‘yxatiga qo‘shishni taklif eta boshlaydi. 

«Facebook tarmog‘i bilan aloqani kengaytirish vositasida aniqroq ma'lumotlarga ega bo‘lishimiz mumkin. Bundan tashqari, odamlar ilovadan naqadar ko‘p foydalanayotganini kuzatish barobarida spamlarga qarshi samaraliroq kurasha olamiz», — deyiladi kompaniya xabarida. 

Facebook kompaniyasi esa, telefon raqamini oshkor qilmasliklarini va raqamni foydalanuvchining ijtimoiy tarmoqdagi sahifasida ko‘rsatmasligini ta'kidlashmoqda.