Jyenevada Parlamentlararo ittifoqning 135-sessiyasi boshlanmoqda

Dunyoning 138 mamlakatidan 700 nafardan ortiq parlamentariy dushanba kuni Jyeneva shahrida ochiladigan Parlamentlararo ittifoqning 135-sessiyasida ishtirok etadi. Ular zamonning dolzarb muammolari, xususan huquq mavzusiga e'tiborni qaratishadi.

27 oktabr kunigacha davom etadigan Assambleyada inson huquqlari buzilishi holatlari muhokama etiladi. Muhokamalarda bunday muammolarni bartaraf etishda parlamentlarning o‘rni ko‘rib chiqiladi.

Bu yilda Parlamentlararo ittifoqda huquq qo‘mitasi tashkil qilinganiga 40 yil to‘lgani munosabati bilan assambleya parlamentariylari chiqish qilishadi. Tashkilot kotibiyatidagilarning qayd etishicha, qo‘mita o‘tgan 40 yil davomida parlamentariylar bilan yuzaga kelgan shunday 2500 qoida buzilishi holatini (100dan ortiq davlatda) ko‘rib chiqqan.

Delegatsiyalar diqqat markazida ayollar huquqlarini ta'minlash masalasi ham bo‘ladi. 

Parlamentlararo ittifoq - turli davlatlarning milliy parlament guruhlarini birlashtiruvchi xalqaro (hukumatlar qaramog‘ida bo‘lmagan) tashkilotlardan biri. 1889 yil tuzilgan. Asosiy vazifalari: parlamentlar o‘rtasidagi shaxsiy aloqalarni rag‘batlantirish va xalqaro tinchlik hamda hamkorlikni mustahkamlash ishida birgalikda faoliyat ko‘rsatish uchun ularni birlashtirish. Parlamentlararo ittifoq faoliyatida 110dan ortiq davlatlarning parlament guruhlari qatnashadi. Parlamentlararo ittifoq kotibiyatining qarorgohi — Jyeneva shahrida joylashgan.