Obama: Tramp AQShning Rossiyaga nisbatan siyosatini to‘laqonli davom ettirmaydi

Foto: © AP

AQSh prezidenti etib saylangan Donald Tramp Vashingtonning Rossiyaga nisbatan siyosatini to‘laqonli davom ettirmaydi, deb hisoblamoqda AQSh prezidenti Barak Obama.

Obama bu haqda Berlinda Germaniya kansleri Angela Merkel bilan uchrashuvdan keyin aytib o‘tdi.

"Yangi prezident bizning yondashuvga to‘liq amal qilmaydi", deb aytdi Obama. "Biroq umid qilamanki, u "real siyosat" tamoyiliga amal qiladi va Rossiya bilan AQShga yaqin istiqbolda nafli bo‘ladigan, biroq kelajakda jiddiy ziyon yetkazadigan bitimlar tuzmaydi", deb qo‘shimcha qildi AQSh prezidenti.

Obama Trampning prezidentligiga "ehtiyotkorlik" bilan qarashini ta'kidlab o‘tdi.