Обама: Трамп АҚШнинг Россияга нисбатан сиёсатини тўлақонли давом эттирмайди

Фото: © AP

АҚШ президенти этиб сайланган Дональд Трамп Вашингтоннинг Россияга нисбатан сиёсатини тўлақонли давом эттирмайди, деб ҳисобламоқда АҚШ президенти Барак Обама.

Обама бу ҳақда Берлинда Германия канцлери Ангела Меркель билан учрашувдан кейин айтиб ўтди.

"Янги президент бизнинг ёндашувга тўлиқ амал қилмайди", деб айтди Обама. "Бироқ умид қиламанки, у "реал сиёсат" тамойилига амал қилади ва Россия билан АҚШга яқин истиқболда нафли бўладиган, бироқ келажакда жиддий зиён етказадиган битимлар тузмайди", деб қўшимча қилди АҚШ президенти.

Обама Трампнинг президентлигига "эҳтиёткорлик" билан қарашини таъкидлаб ўтди.