Afg‘oniston poytaxti Kobul tumanlaridan birida joylashgan masjidning portlatilishi oqibatida halok bo‘lganlar soni 32 nafarga yetdi, 50 dan ko‘proq odam jarohat olgan, deb aytilmoqda BMTning Afg‘onistondagi missiyasi bayonotida.
Avvalroq 27 kishi halok bo‘lgani va 35 kishi yaralangani ma'lum qilingandi.
Portlash 21 noyabrda Dar ul-Aman tumanida kunduzi sodir etilgan. Terrorchi-xudkush masjid ichida portlovchi qurilmani harakatga keltirgan. Ta'kidlanishicha, terrorchi shialarni nishonga olgan.
"BMTning Afg‘onistondagi missiyasi Kobuldagi Bakir ul-Ulom masjidiga qilingan hujumni qoralaydi. Hujum oqibatida kamida 32 kishi halok bo‘lgan, 50 dan ko‘proq kishi yaralangan, ulardan ko‘pi bolalardir", deyilgan missiya saytida chop etilgan xabarda.
Portlash uchun javobgarlikni hozircha hech qaysi guruh o‘z zimmasiga olmagan. TOLO News telekanalining ma'lum qilishicha, "Tolibon" harakatining vakillaridan biri guruhning bu teraktga aloqasi yo‘qligini aytgan.
