Xakasiyaga qulagan meteorit videosi paydo bo‘ldi

Xakasiyadagi Sayanogorsk shahri atrofida mahalliy vaqt bilan 18:37da (Toshkent vaqti bilan 16:37) meteorit tushdi. Bu haqda fuqarolik mudofaasi va favqulodda vaziyatlarning mahalliy tezkor shtabi ma'lum qilgan. 

Guvohlar hodisa tasvirlangan videoni ijtimoiy tarmoqlarda joylashtirishgan.

Meteoritning yorug‘ligi shunchalik kuchli bo‘lganki, uni Sayanogorsk shahridan 80 km uzoqlikda bo‘lgan Abakan mintaqasi poytaxtidagilar ham ko‘rishgan.
FVV vakillarining so‘zlariga ko‘ra osmon jismi hech qanday moddiy talofat yetkazmagan. Mahalliy aholi ham uning kelib urilganini sezmagan.