Pokistonda yo‘lovchi samolyoti halokatga uchradi

Chitral shahridan parvozni amalga oshirgan Pakistan International Airlines yo‘lovchi samolyoti Xavelian yaqinida halokatga uchradi. Bu haqida Pokistonning The news nashri xabar berdi. 

40 nafardan ortiq (taxminan 47 nafar) yo‘lovchisi bo‘lgan PK-116 samolyoti Abbottobod yaqinida izsiz yo‘qolgan. Manbaga ko‘ra, samolyot radardan yo‘qolib qolgan.

Fuqarolik va harbiy qutqaruv jamoalari samolyotning tushgan joyini aniqlash maqsadida qidiruv ishlarini olib borishgan. Xabarda ta'kidlanishicha, samolyot bortidagi uchuvchilar - Solih Janjua va Ahmad Janjua (ikkinchi uchuvchi) radardan yo‘qolishdan oldin yordam so‘rab  murojaat qilishgan. 

Samolyot mahalliy vaqt bilan soat 15:30da Chitral shahridan parvoz qilgan va 16:40da Islomobod aeroportiga qo‘nishi kerak bo‘lgan.