«Do‘lana» eritmasidan zaharlanib halok bo‘lganlar soni 50 nafardan oshdi

Rossiyaning Irkutsk shahrida «Boyarishnik» - do‘lana eritmasidan zaharlanib shifoxonaga tushganlarning yana 4 nafari jon taslim qildi, deb xabar qilmoqda RIA «Novosti» mintaqaviy sog‘liqni saqlash vazirligiga tayangan holda. 

«Bir tunda Irkutskdagi 3ta shifoxonada 4 kishi hayotdan ko‘z yumdi», — degan ma'muriyat vakili. 

Shu bilan birga, ayni zaharlanish alomatlari bilan yana 12 kishi shifoxonaga olib kelingani xabar qilinmoqda. 

Bundan avvalroq, «Boyarishnik» eritmasidan halok bo‘lganlar soni 48 nafardan oshgani ma'lum qilingandi.