Pokistonda qo‘lbola spirtli ichimlik sabab 20 dan ortiq inson halok bo‘ldi 

Pokistonda qo‘lbola spirtli ichimlik sabab kamida 23 kishi halok bo‘ldi, deb xabar beradi Geo TV telekanali.

Hodisa Panjob viloyatidagi Toba-Tek-Singx okrugida ro‘y bergan. Halok bo‘lganlar Rojdestvo bayramini nishonlashgan. 16 kishi kasalxonada qolmoqda.

Mahalliy hukumat hodisa sabablarini o‘rganish bo‘yicha maxsus guruh tuzdi. 

Ma'lumot uchun, Pokistonda alkogol sotuvida jiddiy qoidalar amal qiladi. Ularni rasman faqatgina islomdan boshqa istalgan din jamoasi vakillari ma'lum bir cheklov bilan xarid qilishlari mumkin.