Pokistonda sifatsiz alkogol mahsulotini iste'mol qilish sabab hayotdan ko‘z yumganlar soni 32 kishiga yetdi. Bu haqda BBC News xabar bermoqda.
Hodisa Panjob viloyatidagi Toba-Tek-Singx okrugida yuz bergan. Ma'lum bo‘lishicha, xristian diniga mansub kishilar jamoasi Rojdestvoni nishonlash vaqtida spirtli ichimliklar iste'mol qilishgan. Natijada zaharlanish oqibatida 30 nafar xristian va ikki nafar musulmon kishi vafot etdi, yana 60 inson kasalxonaga yotqizilgan. Taxminiy ma'lumotlarga ko‘ra, ichkilikka metanol qo‘shilgan.
Politsiya taxminiga ko‘ra, spirtli ichimliklar qo‘shni qishloqlardan birida qo‘lbola usulda tayyorlangan bo‘lgan.
Ma'lumot uchun, Pokistonda alkogol sotuvida jiddiy qoidalar amal qiladi. Ularni rasman faqatgina islomdan boshqa istalgan din jamoasi vakillari ma'lum bir cheklov bilan xarid qilishlari mumkin.
