Turkiya va Iroq IShIDga qarshi birgalikda kurashishga tayyorliklarini bildirdilar

Turkiya va Iroq ikki davlatning milliy xavfsizligiga rahna soluvchi barcha tahdidlarga qarshi kurashishga tayyorlar hamda terrorchilik tuzilmalarining o‘z hududlarida bo‘lishiga yo‘l qo‘yib bo‘lmasligini ta'kidlab o‘tadilar. Bu haqda Turkiya-Iroq yuqori darajadagi strategik hamkorligi kengashining 3-yig‘ilishidagi qo‘shma bayonotda aytildi.

Hujjatda Anqara va Bag‘dod xalqaro koalitsiya doirasida IShIDga qarshi kurashda hamkorlik qilishga tayyorliklari ta'kidlab o‘tilgan.

"Mamlakatlar mintaqada barqarorlik va xavfsizlikni ta'minlash maqsadida yaqindan o‘zaro harakat qilishga tayyorlar. Turkiya va Iroq mintaqada dinlararo va millatlararo o‘zaro kurashga yo‘l qo‘yib bo‘lmasligi masalasida hamfikrlar va bunday xavflarning paydo bo‘lishiga ko‘mak beruvchi omillarni bartaraf etish uchun sa'y-harakatlarni amalga oshirishga tayyorlar", deb aytilgan bayonotda. 

Kengash yig‘ilishi Bag‘dodda Turkiya va Iroq bosh vazirlari raisligida o‘tdi.