Fransiyada gazli ichimlik sotuvchi qurilmalar taqiqlanmoqchi

Fransiya hukumati shirin va gazli ichimliklar sotuvchi qurilmalarni aholida semirishning avj olishi holatlarini kamaytirish maqsadida restoran, kafe, oshxona va boshqa umumiy ovqatlanish muassasalarida taqiqladi. 

Endi Fransiya restoranlarida shirin ichimliklarga chegarasiz ega bo‘lish uchun qat'iy narx o‘rnatish va ularni bepul taklif qilish taqiqlanadi. Chegarasiz sotilishi taqiqlangan ichimliklarga shakar yoki shirin ta'm beruvchi moddalarga ega alkogolsiz ichimliklar, jumladan sport ichimliklari kiradi.

Yangi qonunning maqsadi Jahon sog‘liqni saqlash tashkiloti tavsiyalariga ko‘ra "yoshlar orasida semirish, ortiqcha vazn va qand kasalligining avj olishi xavfini kamaytirish"dan iborat. OAV ma'lumotlariga ko‘ra, Fransiyada ayni vaqtda semizlikka ega odamlar soni Yevropa Ittifoqi bo‘yicha o‘rtacha ko‘rsatkichdan past bo‘lsa-da, biroq bu ko‘rsatkich o‘sishda davom etmoqda.