Францияда газли ичимлик сотувчи қурилмалар тақиқланмоқчи

Франция ҳукумати ширин ва газли ичимликлар сотувчи қурилмаларни аҳолида семиришнинг авж олиши ҳолатларини камайтириш мақсадида ресторан, кафе, ошхона ва бошқа умумий овқатланиш муассасаларида тақиқлади. 

Энди Франция ресторанларида ширин ичимликларга чегарасиз эга бўлиш учун қатъий нарх ўрнатиш ва уларни бепул таклиф қилиш тақиқланади. Чегарасиз сотилиши тақиқланган ичимликларга шакар ёки ширин таъм берувчи моддаларга эга алкоголсиз ичимликлар, жумладан спорт ичимликлари киради.

Янги қонуннинг мақсади Жаҳон соғлиқни сақлаш ташкилоти тавсияларига кўра "ёшлар орасида семириш, ортиқча вазн ва қанд касаллигининг авж олиши хавфини камайтириш"дан иборат. ОАВ маълумотларига кўра, Францияда айни вақтда семизликка эга одамлар сони Европа Иттифоқи бўйича ўртача кўрсаткичдан паст бўлса-да, бироқ бу кўрсаткич ўсишда давом этмоқда.