Amerikalik aktyor, «Oskar» mukofoti laureati Mettyu Makkonaxi Hollivudni mamlakatning yangi prezidenti Donald Trampni qabul qilishga chaqirdi. Bu haqda Entertainment Weekly xabar yozgan.
U Hollivud va Amerika san'at olami Trampni tinch qo‘yish vaqti kelgani haqidagi taklifga qo‘shilgan.
«Bu favqulodda tanlov bo‘lmaydi. Axir u bizning prezidentimiz», – degan aktyor.
Uning so‘zlariga ko‘ra, inauguratsiya marosimi yangi 4 yillik davrni boshlab berdi va amerikaliklar bu davrda Trampning yonida turishi kerak.
Makkonaxining qayd etishicha, Trampning so‘zlari va xatti-harakatlari bilan eng jiddiy darajada kelisha olmayotgan kishilar ham murosa qilish haqida o‘ylab ko‘rmog‘i lozim.
Bundan oldinroq, Kaliforniya shtatining sobiq gubernatori, aktyor Arnold Shvartsenegger Trampning 7 mamlakat fuqarolarini AQShga kiritmaslik nazarda tutilgan muhojirlik masalasi bo‘yicha farmonini qattiq tanqid qilgandi.
