Pokistonning shimoli-g‘arbidagi Kvetta shahrida sodir bo‘lgan baxtsiz hodisada 7 kishi hayotdan ko‘z yumdi. Yuk mashinasining afg‘onistonlik qochoqlar yashayotgan kulbaga ag‘darilib ketishi oqibatida halok bo‘lganlarning 4 nafari yosh bolalardir. Bu haqda Associated Press xabar qilgan.
Politsiya vakiliga ko‘ra, fojia yuz bergan vaqtda qum ortilgan avtomobil yukni tushirayotgan bo‘lgan. Kulba afg‘onistonlik qochqin Sher Muhammadga tegishli bo‘lgan. Uning o‘zi hodisada jabr ko‘rmagan, biroq uning farzandlari halok bo‘lgan.
Pokistonda ro‘yxatdan o‘tgan holda bir yarim million va yana noqonuniy tarzda bir millionga yaqin afg‘onlar qochqin sifatida istiqomat qiladi.
