Londondagi hujum natijasida to‘rt kishi halok bo‘ldi

Londondagi hujum natijasida to‘rt kishi halok bo‘ldi. Bu haqida BBC telekanalida xabar berildi. 

Manbaga ko‘ra, halok bo‘lganlardan tashqari kamida 20 kishi jarohat olgan.

22 mart kuni kunduzi Londondagi Vestminster ko‘prigidagi odamlar ustiga avtomobil bostirib kelgan. 

Britaniya parlamenti hududida politsiyachiga pichoq bilan jarohat yetkazildi, hujum qilgan shaxs otib tashlandi. Biroz vaqt o‘tgach, politsiya xodimi ham hayotdan ko‘z yumdi. 

Buyuk Britaniya hukumati parlament binosi oldidagi hujumni terakt sifatida baholamoqda. 

Britaniya bosh vaziri Tereza Mey favqulodda qo‘mita majlisini o‘tkazadi.