Xorijiy sarmoyachilar Turkiya fuqaroligini olishi mumkin 

Turkiya iqtisodiyotidagi ko‘chmas mulk yoki venchur kapitalga yirik mablag‘ kiritgan xorijiy sarmoyachilar mamlakat fuqarosi bo‘lish huquqiga ega. Hukumatning Resmi Gazete'ida shu haqida xabar berildi. 

Manbaga ko‘ra, ko‘chmas mulk investitsiyalarining eng kam miqdori 1,5 million dollardan iborat bo‘lishi kerak. Xorijiy sarmoyachilar kamida uch yil davomida Turkiyaga sarmoya kiritishlari lozim. 

Turkiyaning Sarmoya bozori kengashi (SPK) ana shunday investitsion operatsiyalarni qayd qilib boradi, shundan keyin Vazirlar mahkamasi sarmoyachilarga mamlakat fuqaroligini taqdim etish haqida qaror qabul qiladi.