Germaniya Bundestagining (parlament) 4 deputati, jumladan parlament raisi o‘rinbosari Klaudia Rot Turkiyaga rejalashtirilgan safardan bosh tortishdi. Bu haqda DPA axborot agentligi xabar berdi.
Deputatlarni bunga undagan sabab hozircha noma'lum. DPA’ning ma'lum qilishicha, Rot taxminan bir hafta avval rejalashtirilgan 24 maydagi safaridan voz kechishi bo‘yicha omma oldida izoh bermoqchi. Deputatlar Anqara, Istanbul va Diyorbakirga tashrif buyurib, Turkiya tashqi ishlar vazirligi va parlament vakillari bilan Turkiyadagi ichki siyosiy vaziyatni, turk konstitutsiyasiga kiritilgan tuzatmalarning natijalari, Yevropa Ittifoqi bilan munosabatlarni muhokama qilishmoqchi bo‘lishgan. Ularning rejasida Turkiyadagi Injirlik bazasiga tashrif buyurish bo‘lmagan.
Biroq Berlin va Anqara o‘rtasidagi munosabatlarning navbatdagi yomonlashishi Turkiya hukumati Germaniya hukumatini Bundestag deputatlarini Injirlik harbiy bazasiga kiritmasligidan xabardor qilgandan keyin yuz berdi. Bunga javoban Berlin IShIDga qarshi operatsiyada ishtirok etayotgan va Turkiyada joylashtirilgan bo‘linmalarini boshqa joyga ko‘chirishini aytgan. Variantlardan biriga ko‘ra, germaniyalik harbiylar Iordaniyaga ko‘chirilishi mumkin.
