Qatar milliy valyutasi kursi 2009 yildan keyingi eng past ko‘rsatkichga tushib ketdi

Bir qator arab davlatlari Qatar bilan aloqalarni uzganlaridan keyin mamlakatda  iqtisodiy vaziyat yomonlashishidan xavotir sababli Qatar milliy valyutasi – Qatar rialining fyuchers bozorlarida kursi 2009 yildan keyingi eng past ko‘rsatkichga tushib ketdi. Bu haqda Reuters axborot agentligi xabar bermoqda. 

Axborot agentligi ma'lumotlariga ko‘ra, 6 iyunda Qatarda banklararo valyuta bozorida bir AQSh dollari 3,6470 rialdan sotilgan. Qatar markaziy banki bir dollarga 3,64 rial kursini belgiladi va Qatar valyutasini ayirboshlash shu qiymat atrofida o‘zgarib turibdi.