Istanbuldan Tbilisiga parvoz qilgan Atlas global aviakompaniyasi samolyotini yashin urdi. Bu haqda avialayner yo‘lovchilari OAVga xabar berishdi.
«Parvozga chiqqanimizdan 15-20 daqiqa o‘tib hamma yorqin nurni payqadi, hamda samolyotni yashin urdi. Shundan so‘ng boshqaruv bilan muammolar yuzaga keldi, uchuvchi aeroportga qaytib ketish haqida qaror qabul qildi», - deya ma'lum qildi guvohlardan biri.
Boshqa bir yo‘lovchining qayd etishicha, hodisa tufayli jabrlanganlar yo‘q, biroq samolyot zarar ko‘rgan, «va aynan shuning uchun aeroportga qaytish haqida qaror qabul qilindi».
Xabarlarga ko‘ra, Istanbul-Tbilisi reysi bir necha soatdan keyin amalga oshirilgan.
