07:56 / 21.07.2017
5409

Lufthansa samolyoti qahva tayyorlaydigan mashina tufayli favqulodda qo‘ndi

Lufthansa aviakompaniyasining Myunxen-Ar-Riyod reysini amalga oshirayotgan Airbus A330 samolyoti Kiprda favqulodda qo‘ndi. Bu holatga bortdagi qahva tayyorlaydigan mashinaning buzilib qolgani sabab bo‘lgan, deb xabar qilmoqda Stuttgarter Zeitung.

Xabarga ko‘ra, bortida 186 yo‘lovchi bo‘lgan samolyotni favqulodda qo‘ndirish haqidagi qarorga kuygan narsaning hidi sabab bo‘lgan.

Yo‘lovchilar evakuatsiya qilinganidan so‘ng ma'lum bo‘lishicha, bunday hid ishdan chiqqan qahva tayyorlaydigan mashina tufayli yuzaga kelgan.

Avvalroq Lufthansa samolyoti jazirama ob-havo tufayli Turkiyada favqulodda qo‘ngani xabar qilingandi.

Top