Xitoy shimoli-g‘arbidagi Shinjon-Uyg‘ur muxtor tumanida yuz bergan kuchli zilzila tufayli jabrlanganlar soni 32 kishiga yetdi, deb xabar bermoqda RIA «Novosti» Xitoy Markaziy televideniyesiga asosan.
Ta'kidlanishicha, yer silkinishi tufayli 142 ta uy vayron bo‘ldi, yana yetti mingdan ortiq turar-joylar zarar ko‘rgan.
Xitoyning Shinjon-Uyg‘ur muxtor tumanidagi Boro-Tala-Mo‘g‘ul muxtor okrugining Tszinxe aholi punktida 6,6 magnitudali zilzila Toshkent vaqti soat 4:30lar atrofida yuz bergan.
8 avgust, seshanba kuni esa Sichuan viloyatining Ngava-Tibet-Tsyan muxtor okrugidagi Tszyuchjaygou aholi punktida Toshkent vaqti bilan soat 18:19da 6,5 magnitudali yana bir kuchli zilzila yuz berdi.
Avvalroq Sichuandagi kuchli zilziladan so‘ng 30 mingdan ortiq sayyoh evakuatsiya qilingani haqida ma'lumot berilgandi.
