AQSh Litvaga 7 ta F-15C Eagle qiruvchisini yubordi

Amerikaning F-15C Eagle qiruvchilaridan yettitasi Litvaning Shyaulyayedagi aviabazasiga qo‘ndi. Bu haqda Litva Mudofaa vazirligi matbuot xizmati xabar bergan.

«Litva harbiy-havo kuchlarining Shyaulyayedagi aviabazasiga Amerikaning yettita F-15C Eagle qiruvchisi qo‘ndi, ular NATO havo politsiyasining Boltiq mamlakatlaridagi missiyasida ishtirok etadi», - deyiladi xabarda.

Ta'kidlanishicha, havo politsiyasining missiyasida hammasi bo‘lib 140 amerikalik harbiy xizmatchi qatnashadi.

Avvalroq Litvada NATOga a'zo davlatlarning 5 ming nafardan ortiq harbiysi ishtirokida «Temir bo‘ri-2017» harbiy-o‘quv mashg‘ulotlari bo‘lib o‘tgandi.