АҚШ Литвага 7 та F-15C Eagle қирувчисини юборди

Американинг F-15C Eagle қирувчиларидан еттитаси Литванинг Шяуляедаги авиабазасига қўнди. Бу ҳақда Литва Мудофаа вазирлиги матбуот хизмати хабар берган.

«Литва ҳарбий-ҳаво кучларининг Шяуляедаги авиабазасига Американинг еттита F-15C Eagle қирувчиси қўнди, улар НАТО ҳаво полициясининг Болтиқ мамлакатларидаги миссиясида иштирок этади», - дейилади хабарда.

Таъкидланишича, ҳаво полициясининг миссиясида ҳаммаси бўлиб 140 америкалик ҳарбий хизматчи қатнашади.

Аввалроқ Литвада НАТОга аъзо давлатларнинг 5 минг нафардан ортиқ ҳарбийси иштирокида «Темир бўри-2017» ҳарбий-ўқув машғулотлари бўлиб ўтганди.