Xitoyda dunyodagi eng katta kutubxona ochildi (video+suratlar)

Xitoyda dunyodagi eng katta kutubxona ochilmoqda, u 1,2 milliontagacha kitobni o‘ziga sig‘dira oladi. Boredpanda shu haqidagi xabar, video va suratlar bilan bo‘lishdi. 

Kutubxona betakror intererga ega bo‘lib, u yerda shaffof muhit hukmron - uning tuzilmasi shundayki, yuqorida yoki pastda kim nima qilayotganini ko‘rish mumkin. Bino o‘rtasida esa ulkan sferik shar mavjud bo‘lib, u katta ko‘zdek tasavvur uyg‘otadi. 

Besh qavatli kutubxona Niderlandiyaning MVRDV dizaynerlik firmasi bilan hamkorlikda Tyantszindagi Shaharsozlik instituti tomonidan loyihalashtirilgan.

Yangi bino Tyantszinning Binxay madaniy dahasida joylashgan va shu bois "Binxay ko‘zi" nomini olgan. Kutubxona maydoni - 34 ming kvadrat kilometr, u yerga 1,2 milliontagacha kitobni sig‘dirish mumkin.

Kutubxonada mutolaa xonasi, mehmonlar uchun zal, uchrashuvlar uchun xonalar, kompyuter va audio-xonalar  bor.