Kreml Ramzon Qodirovning lavozimidan ketmoqchi ekaniga izoh berdi

Rossiya prezidentining matbuot kotibi Dmitriy Peskov Ramzon Qodirovning Checheniston rahbari lavozimini tark etish niyati borligi haqidagi so‘zlariga izoh berdi, deb xabar qilmoqda «Interfaks».

Uning aniqlik kiritishicha, Kreml Qodirov davlat rahbari Vladimir Putinning maslakdoshi ekanidan kelib chiqadi. U prezident qayerga buyursa, o‘sha yerda ishlashga tayyorligi haqida bir necha bor ma'lum qilgan.

«Ramzon Qodirov Putinning maslakdoshi ekani haqida bir necha marta gapirgan, hamda bu holatda mamlakat prezidenti topshirgan joyda ishlash niyatida», - deya aytib o‘tdi Peskov.

Peskovning eslatishicha, Qodirov respublika rahbari bo‘lib qolishda davom etadi.

«U boshqa narsa demadi. Biz shundan kelib chiqmoqdamiz. U respublikaning amaldagi rahbari bo‘lib qoladi», - deya ta'kidlab o‘tdi Peskov.