Janubiy Koreya harbiylari chegaraga yaqinlashgan KXDR askarlariga 20 marta o‘q uzishdi

Janubiy koreyalik chegarachilar KXDR harbiy xizmatchilari qochib ketgan shimoliy koreyalik askarni izlab chegaraga yaqinlashganidan so‘ng, qariyb 20 marta ogohlantiruvchi o‘q uzishdi. Bu haqda «Ryonxap» shtablar boshliqlari qo‘mitasiga tayangan holda xabar bermoqda.

Qayd etilishicha, shu bilan birga, oradan 40 daqiqa o‘tib Shimoliy Koreya tomonidan ham o‘q tovushlari eshitilgan, deb xabar bermoqda agentlik.

Avvalroq turli OAVda shimoliy koreyalik yana bir harbiy xizmatchi Janubiy Koreyaga chegara orqali qochib o‘tgani haqida xabarlar tarqalgandi.