Nigeriyada kelinning 11 dugonasi YTHda halok bo‘ldi

Nigeriyaning shimol-g‘arbidagi Kano shahrida kelin va uning dugonalarini tashiyotgan mikroavtobus katta tezlikda harakatlanayotib, to‘siqqa urilgan. Zarb kuchidan transport vositasi ikkiga ajralib ketgan. "Sinxua" agentligi shu haqida xabar berdi. 

Politsiya ma'lumotlariga ko‘ra, YTH natijasida mikroavtobusdagi 11 nafar qiz halok bo‘lgan, yana uch ayol va erkak jabrlangan. 

Dastlabki tergov natijalariga ko‘ra, haydovchi tezlikni oshirgani bois boshqaruvni qo‘ldan chiqargan. 

Qizlar to‘y marosimidan qaytayotgan bo‘lishgan, biroq halok bo‘lganlarning orasida kelinning bor yoki yo‘qligiga aniqlik kiritilmagan.