Namibiya Bosh vaziri o‘rinbosari, Tashqi ishlar vaziri payshanba kuni yuz bergan avtohalokatda tirik qolgan. Politsiya tarqatgan ma'lumotga tayanib mahalliy nashrlarning xabar berishicha, ularga hamrohlik qilgan uch nafar shaxs voqea joyida halok bo‘lgan.
Ma'lum qilinishicha, mamlakat shimolida yuz bergan voqeada oq rangli yuk mashinasi Bosh vazir o‘rinbosari Netundo Nandi-Ndaitva harakatlanib ketayotgan eskort bilan to‘qnashib ketgan.
Namibian Sun nashrining xabar berishicha, Nandi-Ndaitva og‘ir tan jarohati bilan shifoxonaga olib borilgan. Hozircha uning ahvoli yaxshi ekanligi aytilmoqda. Payshanba kuni oqshomda uni poytaxtdagi shifoxonalardan biriga vertolyot orqali olib borish rejalashtirilmoqda.