Netanyaxu AQSh elchixonasi bo‘yicha bayonot berdi 

Isroil bosh vaziri Binyamin Netanyaxuning aytishicha, AQSh o‘z elchixonasini Tel-Avivdan al-Qudsga yil oxiriga qadar ko‘chiradi. Bu haqda CNN xabar bermoqda.

U bunday bayonotni Hindistonga rasmiy tashrifi davomida bergan.

Shu bilan birga, AQSh davlat kotibi Reks Tillerson avvalroq elchixonani ko‘chirish ishlari bir yildan ortiq vaqtni talab qilishi haqida aytgandi.

Uning so‘zlariga ko‘ra, joyni olish, qurilish rejasini tuzish, barcha ruxsatnomalarga ega bo‘lish va binoni barpo etish kerak.

Biroq, agarda Netanyaxuning taxmini amalga oshadigan bo‘lsa, AQSh yangi bino qurilishini kutib o‘tirmasdan, al-Qudsdagi ikkita konsullik inshootidan foydalanib turishi ham mumkin bo‘ladi.