Нетаньяху АҚШ элчихонаси бўйича баёнот берди

Фото: CNN

Исроил бош вазири Биньямин Нетаньяхунинг айтишича, АҚШ ўз элчихонасини Тель-Авивдан ал-Қудсга йил охирига қадар кўчиради. Бу ҳақда CNN хабар бермоқда.

У бундай баёнотни Ҳиндистонга расмий ташрифи давомида берган.

Шу билан бирга, АҚШ давлат котиби Рекс Тиллерсон аввалроқ элчихонани кўчириш ишлари бир йилдан ортиқ вақтни талаб қилиши ҳақида айтганди.

Унинг сўзларига кўра, жойни олиш, қурилиш режасини тузиш, барча рухсатномаларга эга бўлиш ва бинони барпо этиш керак.

Бироқ, агарда Нетаньяхунинг тахмини амалга ошадиган бўлса, АҚШ янги бино қурилишини кутиб ўтирмасдан, ал-Қудсдаги иккита консуллик иншоотидан фойдаланиб туриши ҳам мумкин бўлади.

Тайёрлаган: Отабек Матназаров

#АҚШ #Исроил #Биньямин Нетаньяху #ал-Қудс

6 декабрь куни АҚШ президенти Дональд Трамп Қуддуснинг Исроил пойтахти деб тан олди. У АҚШ Давлат департаментига Тель-Авивдаги элчихонани Қуддусга кўчиришга тайёргарлик кўришни бошлаш вазифасини топширди.