Toshkent aholisi so‘nggi besh yilda qanchaga ko‘paygani aytildi

Toshkent shahri aholisi so‘nggi besh yilda besh foizga ko‘paydi. 2018 yilda Toshkent shahridagi aholi soni 2 million 498 mingtaga yetishi kutilmoqda. 

O‘zA xabariga ko‘ra, 2017 yil oxiriga kelib O‘zbekiston poytaxtida istiqomat qilayotganlar 2 million 465 ming kishiga yetgan. 2012 yilda bu ko‘rsatkich 2 million 342 mingni tashkil etgan.

2018 yilda poytaxtda tahsil olayotgan talabalar sonining qisqarishi kutilmoqda. Xususan, o‘tgan yilda 109 ming nafarga yaqin talaba ro‘yxatga olingan bo‘lsa, joriy yilda ularning soni qariyb 7 mingga kamayadi.

Pensionerlar soni bo‘yicha keyingi besh yildagi eng yuqori ko‘rsatkich 2017 yilda qayd etilgan bo‘lib, 326 ming nafarga yetgan.