Final juftliklari ma'lum. Madrimov kubalik raqibga qarshi ringga chiqadi

Bugun, 1 fevral kuni Hindistonda bo‘lib o‘tayotgan India Open turnirida o‘zbekistonlik 7 nafar charm qo‘lqop ustasi finalda jang qiladi.

49 kilogrammgacha bo‘lgan vazn toifasidagi janglarda qatnashgan Mironshoh Ibragimov nimchorakda, 60 kilogrammacha bo‘lgan Sherbek Rahmatullayev hamda 91 kilogrammdan ortiq vazn toifasidagi Laziz Mullajonov chorak finalda turnirni tark etdi. Yarim finalda jang qilgan 7 nafar bokschi esa yo‘qotishlarsiz finalga yo‘l oldi.

Bugun finalda yetti o‘zbekistonlik jang qiladi. Isroil Madrimov va Iqboljon Xoldorovning raqiblari kubalik bokschilar. Yana 4 o‘zbekistonlik sportchi mezbon bokschilarni sinovdan o‘tkazadi. Abdulhay Shorahmatov esa mo‘g‘ilistonlik Amar Xarkuga qarshi ringga chiqadi.