Nonda ham sigaret, kalishda ham: O‘zbekistonliklar Turkiya aeroportidan yuzlab blok sigaretlarni olib o‘tishga urinishdi

Turkiyaning Kamol Otaturk nomidagi xalqaro aeroporti orqali o‘zbekistonliklarning yuzlab blok sigaretlarni  olib o‘tishga uringan videosi tarqaldi. Facebook ijtimoiy tarmog‘idagi Türkiyem ve güncel dünya guruhida voqea aks etgan video taqdim etildi. 

Videoda Istanbuldagi aeroport nazorat punktidan o‘tayotgan o‘zbekistonliklarning yuklari orasidan yuzlab pachka sigaretlar topilganiga guvoh bo‘lish mumkin. 

Eng ayanchlisi, kalishda ham sigaret, shirinliklar ichida ham sigaret, nonda ham... Ha, ha, o‘zbek xalqi aziz deb qadrlaydigan nonda! Pul ketidan quvib, nonni ham ko‘rmaydigan, uni shu darajada xor qiladigan bo‘ldikmi? 

Videoni tomosha qiling, uning chetdan naqadar ayanchli ko‘rinishiga guvoh bo‘ling, xulosa chiqarish esa o‘zingizdan...