Yashiringan bosqinchi

Foto: KUN.UZ

Jizzax viloyatining Sharof Rashidov tumanida jinoyat yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Qayd etilishicha, 31 yanvar kuni soat 09:15larda Sh.Rashidov tumanida yashovchi, 4-sinf o‘quvchisi, A.X.ni uyida yolg‘izligidan foydalanib, noma'lum shaxs “dadang harbiyda ishlaydimi, ularni ro‘yxatini qilib yuribman” deb, uni pichoq bilan qo‘rqitib, uyiga kirib xonadagi pullarini olib voqea joyidan yashiringan.

Ko‘rilgan choralar natijasida ushbu jinoyatni Jizzax shahar A.Navoiy MFY Beshquvur ko‘chasida yashovchi, muqaddam sudlangan, 1992 yilda tug‘ilgan F.R. sodir etganligi aniqlanib, ushlash choralari ko‘rilgan.